بحـث
 
 

نتائج البحث
 


Rechercher بحث متقدم

المواضيع الأخيرة
تسجيل صفحاتك المفضلة في مواقع خارجية
قم بحفض و مشاطرة الرابط مديرية التربية والتعليم بمحافظة دمياط على موقع حفض الصفحات
التبادل الاعلاني

مدير ادارة معجزة ليس له مثيل

استعرض الموضوع السابق استعرض الموضوع التالي اذهب الى الأسفل

مدير ادارة معجزة ليس له مثيل

مُساهمة  صاحب حق في الأربعاء أغسطس 04, 2010 9:51 pm

مدير إدارة معجزة ليس له مثيل حمدي الكناني المبدأ يقول " ضع الرجل غير المناسب في المكان غير المناسب عشان تبقي خيبة بنويبة وتبقي مصر ريحتها زي الزريبة" ... الشاب المعجزة مدير إدارة دمياط الجديدة ركب كرسي الادارة ، وكأنه راكب حمارة بعد ما طردوه منها رجع بالوساطة والرشاوي والسهر ع القهاوي مع شلة المرتزقة والمرتشين والشاطر اللي يدفع ، وما تقوليش منين !! .. التعليم في مصر حالته بؤس ومش ناقص هذا النوع من البشر – نعمل ايه .. هيا دي مصر دالوقتي .. اقروا الفاتحة علي عهد الشطار اللي راح وانتهي ، وابتدا عهد المرتزقة والمنتفعين من مراكزهم ( المرتشين ) : بدل تلاقي – سمك تلاقي – فلوس تلاقي – مراكز ادفع واركب تلاقي – الريحة فاحت والبركة في حماية وكيل وزارة التربية والتعليم .. الأستاذ المعجزة مدير عام الادارة بيعتبر ان الادارة دي عزبته الخاصة والعاملين عنده ( بهائم ) بيقودهم بالكرباج والموظف اللي يفتح بقه تحاك له المؤامرات والمكائد بالاضافة الي التهديد بالتشريد وله جملة بيقولها في كل مكان ( هاخدك في ايدي وانا خارج – يا إما أنا وراكي لما أنقلك من الإدارة _ للعاملين في الادارة ، للمدرس ، للمدرسة ، لمديري المدارس ) وكأنهم عبيد عنده ولا مانع من محاولة تجنيد المتابعة سواء الموجودة بالادارة او المديرية لاتهام هذا الموظف من بعيد او قريب بأشياء ليست موجودة اصلا بناءا علي توجيهات السيد المعجزة والشاب الخفيف مدير ادارة دمياط الجديدة .. كل مديرين دمياط الجديدة قالوله عاوزين نمشي من المدارس ( قرفنا من اتهاماتك اللي ملهاش اساس من الصحة وسوء معاملتك للعاملين بالادارة ..ستات ورجالة ) .. وما يحلالوش تهزيق رؤساء الأقسام بالادارة ومديرين المدارس في مدارسهم الا امام مرؤوسيهم ... قولولنا والنبي ازاي أقسام الادارة تدار والمدارس تدار والقيادات بتتهزق من الحمار ، وقريب أوي هتنتشر الصور الممثل فيها مدير عام الادارة حمار وشلته حواليه ، ويرجع التاريخ لأيام ( عبد الرحمن صلي ) المدير السابق للادارة .. الاستاذ صاحب السلطة العليا مرمط الأرض بست من العاملين في الادارة كل جريمتها داخلة بورقة تخص زوجها لتوقعها من مدير الادارة المعجزة .. ما كان منه الا انه تحول الي عربجي ونزل تهزيق فيها ورمي الورقة في وشها وقالها : ( امشي اطلعي بره ) وللاسف كان حواليه اللي بدقن ( وشكلها عيرة ) واللي من غير دقن فشهدوا ضدها ما عدا واحد بس خاف ربنا وقال الحق في التحقيق ولسطوة الشاب المعجزة مدير الادارة المزيف الذي استخدم الوساطة في كل حتة والمرض انتشر حتي في الشئون القانونية أهملوا شهادته وخدوا شهادة التانيين لأن ضروري ان الشئون القانونية تجامله ما كله بيقبض وكله بياكل .. وخدت الغلبانة 3 ايام جزاء وكل همه الوقتي إزاي يخرجها من إدارة دمياط الجديدة .. أما الحكاية اللي جاية أكتر م العجب ما هو مدير ادارة معجزة يدخل المدرسة يهين مديرها ويهزقه أمام العاملين لديه وينسي أنه متابع وأن المتابع لو لقي غلطة يصلحها ما يشوطش في الناس وينسي نفسه ويفتكر انه الحاكم بأمر الله ( دي إدارتي وملكي وأنا حر فيها وانتوا تنفزوا اللي أقوله ) حسب مقولته الشهيرة ... - العاملين في الادارة والمدارس كرهوه كره العما .. اشتكوه في المديرية لوكيل الوزارة ولا حياة لمن تنادي .. لما سخنت العملية اوي عملوله قعدة في المديرية وقفلوا عليه الباب وقالوله ( غير معاملتك ) فيه ثورة في دمياط الجديدة والناس شاكينك ، واحد من العاملين قرف من تصرفات مدير الادارة معاه فجاء له أحد أفراد الشلة المقربة ينصحه وقاله ( الموضوع ممكن يتلم بجوزين بط )عيني عينك كل حاجة بتتم في الادارة التعليمية بدمياط الجديدة بهذا الشكل .. وللاسف الادارة كلها تعبانة منه ، لا بيفرق هو بيتكلم مع مين ست ولا راجل .. وبدأت العملية بأن اهم شخصية في الجودة بعد معاملته السيئة ليها انها طلبت نقلها وسابتله الادارة باللى فيها رغم انها من أكفء الكوادر ومشهود لها بالكفاءة كمدير ادارة الدعم الفنى وكل المدارس التى اشرفت عليها حصلت على الاعتمادهذا العام وباقى الفريق طالب بنقله خارج الادارة .. - المتابعة في دمياط الجديدة الشاب المعجزة فارض عليها ان يدخل المدرسة اللي مختلف فيها مع مديرها يتلككله ويديله من تحت رجليه ويحوله للشئون القانونية لأتفه سبب وبعدين يطلب من مديرة المتابعة وفريقها يدخلوا يقفلوا علي الزبون ويكتبوا فيه تقرير سيء علشان يستند اليه في تشريده ونقله من المدرسة يعني مش كفاية عليه انه مدير مدرسة وشايل هم الدنيا علي دماغه علشان ينجح العملية التعليمية بمدرستة ، ولما رفضت مديرة المتابعه وفريقها تنفيذ الكلام ده هددها بأنه هيشيلها هيا وفريقها من مكانها وهيشردها فما كان منها الا انها قالت لفريقها ( احنا مش السكينة اللي هندبح بيها الناس اللي شايلين المدارس . وعمرنا ما هنكون كده ) فيه مثل بلدي بيقول ( اصبر علي الجار السو يا يرحل يا تجيله مصيبة تاخده ) وان شاء الله هيقع في شر أعماله .... مدير الادارة يتميز بشهادة جميع العاملين بالادارة بانة اول ما يفتح فمة للتحدث مع اى عامل من العاملين بالادارةيتميز بانة عربجى من الالفاظ الخارجة يا اما انة حمار وما يفهمش فى معاملة الناس – النتيجة الجميع بيكرهوه والجميع غير راغب فى التعامل معاه والبشاير بتقول كل سنة وانت طيب علي التعليم في ادارة دمياط الجديدة ادارة ومدارس الكل قرفان والبداية بانت بدأت بمديرة الدعم الفني وهتنتهي بمديرين ومديرات المدارس واوكازيون علي الاماكن الخالية كله هينقل ( وألا أونا .. ألا دو .. ألا تري ) أماكن خالية بالادارة التعليمية بدمياط الجديدة ، ويا عيني علي جمهورية مديرية التربية والتعليم .. وختاما نهديك قصيدة من تأليف قلوبنا الجريحة والمظلومة ، والتي تدعوا عليك ليلا نهار ، آملين من الله العدل وأن يرد الحق لأصحابه ومستهلين لله في رمضان بدعاء المظلوم الذي لا يستره ساتر للمولي ولا يحجبه حاجب عن الحق .... بتقري الفاتحة يا كناني .. وتنسي { ولا الضالين } أما المغضوب عليهم .. فهما شلتك الفاسدين دقونهم عيرة وسكة .. مش رجالة دول نساوين بتقري الفاتحة يا كناني .. بس ناسي رب العالمين لسانك يوم القيامة .. راح يتقص من لغلوغه .. يا دي العار لا ضكر البط راح ينفع ولا الكافيار هتطلع فوق .. هتنزل تحت .. هتبقي حمار فسدتوا أولادنا في التعليم ، وزاعقين بينا فوق الراس مليتوا جيوبكم في تصميم ، ومقامكم والله تحت المداس وما لقينا حداكوا ضمير ولا شهامة ولا اخلاص تملي الفاتحة يا كناني بتقراها علي هواك ورمضان جاي يا كناني ، ودعوة المظلوم هتنزل نار علي قفاك وخلي البط والكافيار يملوا المعدة في رمضان ده كله حرام يا انسان ولحم عيالك ده قوت للنار هيجي الحق للمظلوم ، وراح تحتار وراح تلبس بدل بدلك بدل من قار وحسبي ربي .. في اللي أذاني واسمه الشؤم هو كناني إمضاء العصفورة

صاحب حق

المساهمات : 1
تاريخ التسجيل : 04/08/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى